“Монгол Улсын Улаанбаатар хот болон 21 аймгийн төвд агаарын чанарын хяналтын автомат станц суурилуулах” төслийг хэрэгжүүлэгч БНСУ-ын Байгаль орчны яамны K-экo байгууллага болон төслийн гүйцэтгэгч “Кентэк” ХХК, “Си-Тек” ХХК-иас БОУАӨЯ-ны шинжээч, ЦУОШГ-ын удирдлагууд болон 21 аймгийн Ус цаг уур, орчны шинжилгээний төвийн дарга нарт Улаанбаатар хот болон 21 аймгийн төвд суурилуулсан агаарын чанарын станц, агаарын чанарын мэдээллийг нэгдсэн платформоор иргэдэд нээлттэй хүргэх системийн талаар танилцуулга мэдээлэл хийлээ. Энэ үеэр 2025 онд хийсэн ажлын гүйцэтгэл, 2026 оны ажлын төлөвлөгөө болон цаашид хийж хэрэгжүүлэх ажлын талаар санал солилцлоо.