Дорноговь аймгийн нутаг дэвсгэрт 1938 оны 10 дугаар сарын 18-ны өдрөөс Сайншанд суманд ЗХУ-ын техник тоног төхөөрөмж, мэргэжилтнүүдийн тусламжтайгаар цаг уурын анхны станц байгуулагдаж, шинжилгээний ажлын хөтөлбөрийн дагуу үйл ажиллагаагаа тасралтгүй явуулж эхэлсэн түүхтэй.Ус, цаг агаар, байгаль орчны төлөв байдалд байнгын хяналт шинжилгээ хийж, бодит болон урьдчилан сэргийлэх мэдээ, мэдээллээр нийгмийн хэрэгцээг шуурхай хангах, байгалийн болзошгүй гамшгийн эрсдлээс сэрэмжлүүлэхэд оршино. Цаг агаарын богино, дунд, урт хугацааны урьдчилсан мэдээ, цаг агаарын аюултай болон гамшигт үзэгдлийн сэрэмжлүүлэх 1,3,5,7 хоногийн урьдчилсан мэдээгээр хэрэглэгчдэд үйлчилдэг.Цаг уур, байгаль орчны ажиглалтын мэдээг олон улсын солилцоонд Сайншанд, Замын-Үүд станцын мэдээ, бүсийн солилцоонд Мандах, Хөвсгөл, Дэлгэрэх, Улаан-Уул станцын мэдээ, дотоодын солилцоонд Айраг, Алтанширээ, Иххэт, Өргөн, Сайхандулаан, Улаанбадрах, Хатанбулаг зэрэг 13 сумын өртөө харуулын мэдээг 3 цаг тутам ажиглалт хийж боловсруулан дамжуулдаг.