Баян өлгий аймгийн ус цаг уурын төвийн анхны үндэс суурь нь 1958 онд Өлгий хотод ЗХУ-ын тусламжтайгаар М.В.Литвинов даргатай Б.Көксеген, Б.Батнасан, Л.Лүндэн, Ц.Данзан нарын 4 ажиглагчтай цаг уурын тулгуур Өлгйи станц байгуулагдснаар тавигдсан. Тэрээр 1959 оны 7 сараас тус станцын ажлын хүрээ нэмэгдэж анхны Ховд-Өлгий ус зүйн харуул байгуулагдсан. Өдгөө 66 жилийн түүхэн хуудасыг бүтээлцсэн үе үеийн цаг уурчид өнөөдрийн даяарчлалын мэдээлэл технологийн эрин үетэй хөл нийлүүлэн алхаж өвгөд дээдсийнхээ үүсгэн өвлүүлсэн үйл хэргийг байгаль орчны хувирал, уур амьсгалын өөрчлөлтийн зүй тогтол, үр дагавар, дэлхийн дулаарал, цөлжилтийг сааруулах, зэрэг шинэ хэлбэр, агуулгаар баяжуулан нэр төртэйгээр үргэлжлүүлж байгаа. Түүхэн хугацаанд улсын сүлжээний хэмжих хэрэгсэлд ЗХУ-д үйлдвэрлэгдсэн мөнгөн уст болон механик багаж төхөөрөмжийг 1958-2000 он хүртэл ашиглаж байсан ба дэлхийн улс орнуудын цаг уурын сүлжээнд ашиглаж буй гуравдагч үеийн зайнаас хэмжих автомат станц, дата мэдрүүрийг ашиглан технологийн шинэчлэл хийж эхэлсэн. Тус байгууллагын тулгуур Өлгий станцад 2004 онд Финланд улсын MAWS301 анхны автомат станц суурилагдсанаар автоматчлалын суурь тавигдсан болно. Одоогийн байдлаар ус цаг уурын орчны шинжилгээний төв нь 83 хүний бүрэлдэхүүнтэй ажиллаж байгаа ба үйл ажиллагааны чиглэл нь цаг уур, хөдөө аж ахуй, гадаргын ус судлал, байгаль орчны лаборатори, мөстөл судлал, урьдчилан мэдээлэх салбар, цаг агаарт зориудаар нөлөөлөх экспедиц, нисэхийн цаг уур гэсэн чиглэл бүрээр шинжилгээ судалгааны ажил болон хөтөлбөрт ажлуудыг бүрэн хэрэгжүүлж ажиллаж байгаа. Мөн 12 сумын хэмжээнд 6 өртөө, 6 харуул, 11 ус зүйн харуул тасралтгүй хугацааны ажиглалт хэмжилт бүрийг хийж мэдээлж байна. Ус цаг уур орчны, шинжилгээний төв нь ус, цаг агаар, байгаль орчны чанартай мэдээ мэдээллээр нийгмийн хэрэгцээг шуурхай хангах, байгаль цаг агаарын болзошгүй аюул, орчны ноцтой бохирдлоос урьдчилан сэргийлэх, ус цаг агаар, орчны болон уур амьсгалын нөөцийг бүрэн ашиглуулах нөхцөлийг бүрдүүлэхэд оршино.