"ДОРНОГОВЬ АЙМГИЙН ЗАМЫН-ҮҮД СУМЫН 7-Р ЦЭЦЭРЛЭГИЙН ТОВЧ ТАНИЛЦУУЛГА Тус цэцэрлэг нь Дорноговь аймгийн Замын-Үүд сумын харъяа “ЭМ ЖИ СИ” ХХК-ны хөрөнгө оруулалтаар барилга угсралтын ажил хийгдэн 2014 оны 09 сарын 01-нд УХААЛАГ БАГАЧУУД нэртэй хувийн өмчийн 150 хүүхдийн хүчин чадалтай цэцэрлэг ашиглалтад орж үйл ажиллагаагаа эхэлсэн түүхтэй. Үүнээс хойш тасралтгүй үйл ажиллагаагаа явуулсаар 2020 оны 08-р сарын сарын 03-ны өдрийн Замын-Үүд сумын засаг даргын А/236 тоот захирамжаар төрийн өмчит Хүүхдийн 7 дугаар цэцэрлэг болон 6 бүлгийн 120 хүүхэд, 22 багш ажилтантайгаар үйл ажиллагаагаа эхэлсэн. Бүлгийн үндсэн болон туслах багш нар 100 хувь мэргэжлийн, чадварлаг, эвсэг, бүтээлч хүүхдийн төлөө сэтгэл зүрхээ зориулдаг хамт олон бүрдэн, хүүхдийн зүрх сэтгэл, эрүүл мэнд, аюулгүй байдлыг эрхэмлэн дээдэлж, тоглох явцдаа орчиндоо зохицон, хөгжих боломжийг бүрдүүлж, өөртэй итгэлтэй, хүнлэг, энэрэнгүй, үнэнч шударга, хөдөлмөрч хүүхэд төлөвшүүлэх зорилтыг дэвшүүлэн үйл ажиллагаагаа амжилттай явуулж байна. 2024-2025 оны хичээлийн жилд бага-1, дунд-1, ахлах-2, бэлтгэл-2 гэсэн бүлгийн зохион байгуулалттайгаар сургуулийн өмнөх боловсролыг олгон үйл ажиллагагаагаа амжилттай явуулж байна."