ДОРНОГОВЬ АЙМГИЙН БОЛОВСРОЛЫН ГАЗАР Дорноговь аймгийн Боловсрол, шинжлэх ухааны газар 1956 онд БНМАУ-ын Сайд нарын Зөвлөлийн тогтоолоор аймгуудад “Багш нарын мэргэжил дээшлүүлэх сургалтын кабинет” байгуулахаар шийдвэрлэсэн нь манай байгууллагын үндэс суурь тавигдсан бөгөөд өнөөг хүртэлх хугацаанд ажил, чиг үүргийнхээ дагуу нэршил нь өөрчлөгдсөөр ирсэн . 2022 оноос Боловсрол, шинжлэх ухааны газар нэртэйгээр үйл ажиллагаагаа явуулж байна. Боловсрол, шинжлэх ухааны газар нь хүний эрхийг дээдэлсэн, тэгш, хүртээмжтэй, чанартай боловсрол эзэмших, мэргэжил, ур чадвараа дээшлүүлэх адил тэгш боломжоор хангах, сургалтын байгууллага, багш, ажилтан, иргэдэд үзүүлэх мэргэжил, аргазүйн үйлчилгээ нь байгууллага, хувь хүний хэрэгцээ шаардлагад нийцсэн, нээлттэй, уян хатан, тасралтгүй, сургалтын аргазүй, технологи хөгжүүлэхэд чиглэсэн шийдвэр гаргахад олон нийтийн оролцооог хангасан байх зарчмыг үйл ажиллагаандаа баримтлан ажилладаг. 2021-2022 оны хичээлийн жилд 16 хүний орон тоотойгоор үйл ажиллагаагаа явуулж байна.