Хонгор сумын соёлын төв нь 1969 оны 12 сард хуучнаар ЗХУ-ын хөрөнгөөр баригдаж Монгол зөвлөлтийн найрамдлын нэрэмжит Дархан сангийн аж ахуйн Ажилчны клуб нэртэйгээр байгуулагдсан. Клубын анхны бүтэц нь Эрхлэгч, номын санч, суурин кино механикч, касс, цэвэрлэгч, сахиул зэрэг орон тоотойгоор үйл ажиллагаа явуулж байлаа. Тус клубыг 1982 онд Дархан хотын АДХГЗ-ны даргын 105 тоот шийдвэрээр Хонгор сумын “Соёлын төв” болгон өөрчилсөн. Одоогийн бүтэц нь Дарга, номын санч, нягтлан бодогч, бүжгийн багш, хөгжмийн багш, музейн ажилтан, үйлчлэгч гэсэн орон тоотойгоор үйл ажиллагаагаа явуулж байна.