Улаанбаатар цахилгаан түгээх сүлжээ төрийн өмчит хувьцаат компанийн үйл ажиллагаа, үйлчилгээтэй танилцахаар манай цахим хуудаст зочилж байгаа Эрхэм таны энэ өдрийн амар амгаланг эрэн мэндчилье. Манай компани нийслэлийн 8 дүүрэг, Төв аймгийн 16 сумын 490 мянган хэрэглэгч буюу Монгол Улсын нийт хүн амын 50 орчим хувийг цахилгаан эрчим хүчээр хангадаг. Хэрэглэгч таны болон танай гэр бүлийн ажиллаж, амьдрах таатай нөхцөлийг бүрдүүлж, хэрэгцээт хүсэл шаардлагыг үйлчилгээний чанар, хүртээмжид тусгаж, хүргэхийн төлөө бид түгээх сүлжээний хүчин чадал, 90 жилийн туршид хуримтлуулсан мэргэжлийн ажилтнуудынхаа туршлагад тулгуурлан хичээнгүйлэн ажиллаж байна. Та манай компанийн цахим хуудаснаас иргэн, аж ахуйн нэгж болон хэрэглэгчдэд үзүүлэх үйлчилгээ, үйл ажиллагааны талаарх мэдээллийг хүлээн авч, холбогдох хууль тогтоомж, дүрэм, журам, шаардлагатай заавар, зөвлөмжийг авах боломжтой. Хэрвээ танд санал хүсэлт байгаа бол хамтран ажиллах болно.