"1.Тэргүүлэх чиглэл: - Хууль тогтоомж, бодлого, хөтөлбөрийг хүний эрхэд суурилсан хандлага, өсвөр үе, залуучуудын үзэл бодол болон гэр бүлийн хөгжлийн хэрэгцээнд нийцүүлж сурталчлан таниулах, хэрэгжилтийг хангах ажлыг орон нутгийн түвшинд зохион байгуулах; - Байгууллагын удирдлагын арга барил, манлайллаар тэргүүлж, төрийн албан хаагчийн ёс зүй, байгууллагын соёлыг эрхэмлэн төлөвшүүлэх, төрийн үйлчилгээний чанар, хүртээмжийг сайжруулах; - Төрийн үйлчилгээний шат дамжлагыг багасгах, судалгаа, мэдээллээр хангах, хяналт тавих, мэдээллийн удирдлагыг хэрэгжүүлэх; - Гэр бүл, хүүхэд, залуучуудад зориулсан бүх шатны үйлчилгээний чанар, хүртээмж, стандартыг олон улсын жишигт нийцүүлэх, нийгмийн хөгжлийн үйлчилгээг хэрэгцээнд тулгуурлан тодорхойлох, уялдаа холбоог бэхжүүлэх; - Гэр бүл, хүүхэд, залуучуудыг дэмжих, хамгаалах, хөгжүүлэхэд төр, олон нийт, иргэний нийгэм, олон улсын болон хэвлэл мэдээллийн байгууллагуудтай түншлэл, хамтын ажиллагааг бэхжүүлж, хүүхэд, залуучуудын оролцоог өргөжүүлэх; - Байгууллагын удирдлагын үр ашигтай арга барилыг нэвтрүүлэх, төсөв санхүүгийн тогтвортой байдлыг хэрэгжүүлэх, төлөвлөх, байгууллагын соёлыг төлөвшүүлж, ил тод байдлыг ханган ажиллах. 2.Эрхэм зорилго: Tогтвортой аз жаргалтай, ирээдүйд итгэлтэй гэр бүл, хүүхэд, залуучуудыг төлөвшүүлэх, хөгжүүлэх, тэдний эрхийг хамгаалахад оршино. 3.Үйл ажиллагаанд баримтлах зарчим: - Дэвшилтэт уламжлал, соёл, ёс заншил болон орчин үеийн хөгжлийн чиг хандлагыг зохистой уялдуулах; - Гэр бүлийн тогтвортой, хамтын амьдралыг дэмжиж, хүний эрхийг нэн тэргүүнд эрхэмлэн дээдлэх; - Хүний хөгжлийн үе шатан дахь нас, хүйс, сэтгэхүйн онцлог, ялгаатай байдалд мэдрэмжтэй хандан, хөгжлийн түүчээ нь болох; - Холбогдох бодлого, шийдвэр, төлөвлөлт, төсвийн хуваарилалтад бүх талуудын бодит оролцоог хангах; - Үйл ажиллагаа нээлттэй, ил тод, удирдах арга барил шудрага, шинийг санаачлагч, өөрчлөлтийг манлайлагч, инновацийг нэвтрүүлэгч байх; - Бие даасан, хөгжил дэвшлийг эрхэмлэгч, мэргэжлийн, чадварлаг, нэгдмэл зорилготой баг болон бүрдэх зэрэг болно."