Төв аймгийн Сэргэлэн сум нь 1924 онд байгуулагдсан, хуучнаар Түшээт хан аймгийн Дархан гүний хошуу Баян бүрд, Хайрхан, Хөшиг, Эрдэнэ-Уул, Авдар гэсэн 5 багийн нийт 768 өрхөд 2146 хүн амьдардаг. Хүн амын тоогоор Төв аймгийн 26 сумаас 16 -д, газар нутгийн хэмжээгээр эхний 5-д ордог.Сумын хэмжээнд нийт 155 аж ахуйн нэгж байгууллага бүртгэлтэйгээс 60 АН тогтмол үйл ажиллагаа явуулж улсад 90.5, сая, аймагт 1748.9 сая, орон нутагт 8337.9 сая нийт 10176.3 сая төгрөгийн татвар төвлөрүүлж байна. Тус суманд улсын хэмжээний томоохон төсөл хөтөлбөрүүд хэрэгжиж байгаа нь орон нутгийн болоод улс орны эдийн засаг хөгжилд ихээхэн нөлөө үзүүлхүйц байгууламжууд хийгдэж байна. Үүнд: 50квт салхин цахилгаан станц 2013онд ашиглалтанд орон үйл ажиллагаа нь хэвийн явагдаж байна..Олон улсын нисэх онгоцны буудал 2021 онд, Жилд 100 сая тонн цемент үйлдвэрлэх хүчин чадал бүхий цементийн үйлдвэр мөн хийт бетон үйлдвэрүүд 2015 онд ашиглалтанд орж улсынхаа нүүр царай болсон төслүүд хэрэгжиж байна.