Манай цэцэрлэг нь Дархан-Уул аймгийн Засаг даргын 2020 оны 07-р сарын 17-ны өдрийн 01-А/270 тоот захирамжаар Эрхлэгч В. Анхцэцэг /Боловсрол судлалын магистр/ удирдлагатай 100 хүүхдийн хүчин чадалтай, 20 багш ажилчидтайгаар байгуулагдаж 2021 оны 10-р сарын 16-ны өдөр Дархан хотын 60 жилийн ойн баяр, Боловсролын 100 жилийн ойг угтан нээлтээ хийж сургалт үйл ажиллагаагаа эхлүүлж байсан. 2024 онд шинээр 1 анги нээж 5 бүлэгтэйгээр Өргөө багийн 175 хүүхдийг хүлээн авч 25 багш, ажилчидтайгаар өнөөдрийг хүртэл 4 дэх жилдээ Эрхлэгч В. Анхцэцэг /Боловсрол судлалын магистр/ удирдан, манлайлан ажиллаж байна. Энэ хугацаанд “Цэцэрлэгийг хөгжүүлэх төлөвлөгөө”-г боловсруулан хүүхдийн аюулгүй байдлыг хангаж гадна, дотно сургалтын орчны тохижилтын бүтээн байгуулалтын ажлыг нэмэгдүүлэн хийж, шаардлага хангасан тоглоом наадгай, сургалтын хэрэглэгдэхүүнийг нэмэгдүүлэн, багш ажилчдын таатай ажиллах нөхцөл байдлыг бүрдүүлэн, сурч хөгжих боломжоор хангах ажлыг хэрэгжүүлэн ажиллаж байна.