“Дархан-Ус Суваг” ХК нь 1965 онд Дархан хотод “Ус сувгийн товчоо” нэртэйгээр байгуулагдсан бөгөөд цэвэр ус, бохир усны үйлчилгээг үзүүлэх 34 ажилтантайгаар үйл ажиллагаагаа эхлүүлжээ. 2003 онд байгууллага нь “Дархан-Ус Суваг” ХК болж, орон нутгийн өмчит компанийн хэлбэрээр үйл ажиллагаагаа явуулж байна. Өнөөдрийн байдлаар компани Дархан хотын иргэд, аж ахуйн нэгжүүдэд цэвэр ус хангах, бохир ус татан зайлуулах үндсэн үйлчилгээг тасралтгүй үзүүлж, нийт 1,463 гаруй үйлдвэр, 16,100 гаруй айл өрхийг хамардаг. Гэр хорооллын 28 мянга гаруй хүн амд зориулан 63 ус түгээх цэгээр дамжуулан найдвартай үйлчилгээ үзүүлдэг. Компани Дархан сумын 8-р багт байрлан үйлдвэрлэл, үйлчилгээний үйл ажиллагаагаа 3 хэлтэс, 5 үндсэн нэгжээр зохион байгуулан ажиллаж байна.