Чандмань сум нь Монгол Улсын баруун хэсэгт улсын нийслэл Улаанбаатар хотоос 1500км, аймгийн төв Ховд хотоос 156 км зайд оршино. Чандмань сум нь Алтайн нурууны салбар далайн түвшнээс дээш 3796 м өргөгдсөн Жаргалант хайрхан, 3446 м өргөгдсөн Бумбат хайрхан уулс, Хар-Ус, Хар, Дөргөн нуураар хүрээлэгдсэн өндөр уул, тал хээр, говирхог байгалийн бүс бүслүүр хосолсон 601679 га газар нутагтай, жилийн орох хур тунадасны хэмжээ 127 мм гэж үздэг. Чандмань сум нь өөрийн аймгийн Дарви, Зэрэг, Манхан, Дөргөн, Завхан аймгийн Дөрвөлжин, Говь-Алтай аймгийн Хөхморьт сумтай хиллэнэ. 2024 оны байдлаар Чандмань сум 6 баг, 2936 хүн амтай, 816 өрхтэй байна. Мөн 2024 оны байдлаар Чандмань сум 310120 толгой мал тооллуулсанаар аймагтаа малын тоогоор хоёрдугаарт орж байгаа ба малын төрлөөр авч үзвэл хонь 136.662, ямаа 147.681, үхэр 10.570, адуу 11.031, тэмээ 4.379 толгой байна.