Засгийн газрын ээлжит хуралдаанаар сар шинийн босгон дээр улс орныхоо салбар салбарын шилдгүүдийг тодруулж, Улсын аварга цолтнуудыг зарлалаа. Тодруулбал, Ховд аймгийн Чандмань сумын Сүлжээ багийн малчин Дарамын Баатархүү нь мал аж ахуйн салбарт олон жил үр бүтээлтэй ажиллаж, мал сүргийн чанар үүлдэр, ашиг шимийг сайжруулан, нутаг орныхоо хөгжилд бодитой хувь нэмэр оруулсныг нь үнэлж “Монгол Улсын аварга малчин” цолоор шагнагдлаа.
Энэхүү эрхэм хүндтэй цол нь хөдөлмөр зүтгэл, мэдлэг туршлага, малчин ухаанаараа бусдыгаа манлайлан ажилласан малчдыг төрөөс үнэлж, алдаршуулдаг нэр хүндтэй шагнал билээ.
Монгол Улсын Аварга малчин Д.Баатархүүд халуун баяр хүргэж, цаашдын ажил үйлс нь өргөжин дэлгэрч, гэр бүл, мал сүрэг нь өсөн өөдлөхийн өлзийтэй сайхан ерөөлийг дэвшүүлье.
