Төв аймгийн гадаад харилцаа, хамтын ажиллагаа сүүлийн жилүүдэд олон салбарт өргөжин хөгжиж, сайн сайхан болон хүнд хэцүү цаг үед бие биедээ сэтгэлийн дэм, урам өгсөөр өнөөдрийг хүрсэн билээ. Үүний нэгэн илэрхийлэл болгож 7 дугаар сард Лүн, Баянхангай, Аргалант сумдыг дайран өнгөрсөн байгалийн гамшигт үзэгдэлд өртсөн Аргалант, Лүн сумын өрхүүдэд аймгийн найрсаг харилцаат Япон улсын Осака мужийн Изүмисано хотын сайхан сэтгэлт иргэдээс илгээсэн өргөө цагаан гэрийг өнөөдөр аймгийн ЗДТГ-ын дарга С.Цогбаяр, ТЗУХ-ийн дарга Г.Мөнхгэрэл, аймгийн ИТХ-ын төлөөлөгч Д.Баярбат нар гардуулан өглөө.