ХЭРЭГЛЭГЧДИЙН АНХААРАЛД❗️ 

Мөнгөн аяга нь бидний үндэсний өв соёлын чухал нэг хэсэг юм. Уг уламжлалт хэрэглээг хамгаалах, чанар аюулгүй байдлыг хангах зорилгоор мөнгөн аяганы стандартыг 2015 онд баталсан бөгөөд тус стандартад аяганы орц, найрлага, хэмжээ, амсар болон ёроолын зузаан, нимгэн байдал зэрэг техникийн шаардлагыг тодорхой тусгасан байдаг. Иймд иргэд та бүхэн үнэт металл болон түүгээр хийсэн бүтээгдэхүүн худалдан авахдаа “Үнэт металл болон үнэт чулуугаар хийсэн эдлэлийн арилжаа эрхлэх” тусгай зөвшөөрөлтэй худалдааны байгууллагаас, сорьцын баталгаажуулалтад хамрагдсан, стандартад нийцсэн бүтээгдэхүүн сонгон авахыг зөвлөж байна. Ингэснээр та өөрийгөө санхүүгийн болон бусад эрсдэлээс урьдчилан сэргийлэх боломжтой юм.