Импортын барилгын материал, бүтээгдэхүүнд гардаг гарал үүсэл, тохирлын гэрчилгээ дутуу эсвэл баталгаат бус баримт бичигтэй, шошго буруу тавьсан, найрлага зөрүүтэй, хуурамч гэрчилгээтэй материал тогтмол илэрдэг зэрэг тодорхой асуудлууд гардаг байсан. Шинээр боловсруулж буй техникийн зохицуулалтын зорилго нь барилгын ажил гүйцэтгэхэд ашиглагдах барилгын материал, бүтээгдэхүүний аюулгүй байдал, чанар, тохирлын баталгаажуулалт, эрүүл ахуй, хүрээлэн буй орчны хамгааллын үндсэн шаардлагыг тогтоож, нэгдсэн стандартаар зохицуулахад оршино.