Нутаг дэвсгэрийн хэмжээнд хийгдэх бүх төрлийн газар зохион байгуулалтын ажлыг зохион байгуулах, сумын газрын даамлыг Засаг даргатай нь зөвшилцөн томилох, нутаг дэвсгэртээ төрөөс явуулж байгаа нэгдсэн бодлого, газрын тухай хууль тогтоомжийн хэрэгжилтийг зохион байгуулж хангах, сумын засаг даргын газар эзэмшүүлэх, ашиглуулахтай холбогдсон буруу шийдвэрийг хүчингүй болгож, зөрчлийг арилгах, газрын биржийн үйл ажиллагааг зохион байгуулах, аймгийн газрын төлбөрийг зохих хууль тогтоомжийн дагуу ногдуулж, хураах, Монгол улсын иргэнд өмчлөгдсөн газар болон бусад үл хөдлөх эд хөрөнгийн бүртгэлийг эрхлэх зэрэг үйл ажиллагааны үндсэн чиг үүрэгтэй. Монгол улсын “Засгийн газар”-ын 2008 оны 67 дугаар тогтоол, 2007 оны 351 дүгээр тогтоол, Улсын Их Хурлын 2008 оны 43-р тогтоол, ГХГЗЗГазрын 2009 оны 06 дугаар сарын 25-ны өдрийн 07 дугаар тушаалаар аймгийн Газрын албанд Хот байгуулалт барилга захиалагчийн албыг нэгтгэх замаар 2009 оны 07 дугаар сарын 01-ний өдөр аймгийн Газрын харилцаа барилга хот байгуулалтын газар 16 орон тоотой байгуулагдсан байна.