1940 онд Баян- Өлгий аймаг байгуулагдсаны дараа нэрт яруу найрагч Бабийн Ахтан тэргүүтэй хэдэн ардын авьяастан, уран сайханчид нэгдэж, “Улаан гэр” байгуулан Б.Ахтаны “Ермалай”, “Жамал” зэрэг жүжгүүд болон богино хэмжээний концерт зохион байгуулан тоглож ард иргэдэд урлагаар үйлчилж эхэлжээ. 1955 онд 300 хүний суудалтай ,лоожтой театрын барилгыг барьж, нэг жилийн мэргэжлийн курс нээж ажиллуулан 1956 оны 11 сарын 26ний өдөр М.Хурманханы “Кезен үстинде” (Даваан дээр) жүжиг, 12 хөгжимчний бүрэлдэхүүнтэй симфон найрал хөгжмийн концертээр хөшгөө нээж байлаа.45 хүний бүрэлдэхүүнтэй ХОР ДРАМЫН АНГИ, ХӨГЖМИЙН АНГИ, БҮЖГИЙН АНГИ ба АЖ АХУЙ анги байгуулан үйл ажиллагаагаа эхэлжээ. БНМАУ-ын Ардын Их хурлын Тэргүүлэгчдийн 1976 оны 12-р сарын 30-ний өдрийн 282-р зарлигаар “Алтан гадас” одонгоор шагнасан байна. .1994 онд ерөнхий найруулагч А.Монголхан /Ардын жүжигчин/, С.Рамжид урлагийн гавьяат зүтгэлтэн цолоор /1997/,ардын жүжигчин /2010/,К.Ахметбек урлагийн гавьяат зүтгэлтэн /1982/, Х.Чапай МУГЖ /2005/, С.Өсерхан урлагийн гавьяат зүтгэлтэн /2006/, цол хүртсэн байна. Тус театр нь 2016 онд 60 жилийн ойгоо тэмдэглэн өнгөрүүлж, аймгийн ИТХ-ын 2016.11.10 /141 тоот тогтоолоор зохиолч, төр нийгмийн зүтгэлтэн М.Хурманханы нэрэмжит болсон. Өнөөдрийн байдлаар тус театрт нийт 74 хүн ажилладаг ба захиргаа, аж ахуйн ангид 28, казах үндэсний найрал хөгжмийн ангид 22, хор драмын ангид 16, бүжиг ангид 8 хүний бүрэлдэхүүнтэй үйл ажиллагаагаа явуулж байна.