Ховд аймгийн мөст сумын засаг даргын тамгын газар Манай сум 1941 онд Манхан сумын 2, Зэрэг сумын 1, Мөнххайрхан сумын 2, Алтай сумын 2, Цэцэг сумын 2, бүгд 10 багтайгаар анх байгуулагдсан. Халх, захчин, урианхай ястануудаас бүрдсэн 5 багтай. Өөрийн аймгийн Мөнххайрхан, Манхан, Зэрэг, Цэцэг, Үенч сумуудтай хиллэдэг. Улаанбаатар хотоос 1500, аймгийн төвөөс 180 гаруй км алслагдсан өндөр уулын бүсийн сумдын төв юм. Аймгийн төвтэй засмал замаар холбогдсон. Сумын Засаг даргаар Б.Ууганбат, Засаг даргын орлогчоор Д.Шинэбаяр, ЗДТГ-ын даргаар Х.Соёлмаа нар ажиллаж байна. Тус Тамгын газар нь иргэдэд хүргэх төрийн үйлчилгээг нээлттэй,ил тод, соёлтой доголдолгүй, чанартай хүргэдэг төлөвшсөн хамт олон байж, хууль ёсыг чандлан сахиж, иргэдийн амьдрах таатай нөхцөлийг бүрдүүлэх эрхэм зорилго болгон ЗДТГ-ын ажилтан, албан хаагчид тус бүр өөрийн ажил мэргэжлийн дагуу үйл ажиллагаа явуулж, сумын ИТХ болон дээд шатны байгууллага болох АЗДТГ-т мэдээ тайланг хүргэн ажиллаж байна.