16 дугаар цэцэрлэг нь Ховд аймгийн Жаргалант сумын Наран багт байрладаг. 2019 оны 11 сарын 28-ны өдөр үйл ажиллагаагаа явуулж эхэлсэн. Нийт 9 бүлэгт 225 хүүхэд хүлээн авах хүчин чадалтай. 2025 оны хичээлийн жилд 36 багш ажилтантай, 9 бүлэгт 250 хүүхдийг хамруулан сургуулийн өмнөх боловсрол олгож байна. ЦЭЦЭРЛЭГИЙН АЛСЫН ХАРАА: Инээмсэглэл дүүрэн энх үрсийг ирээдүйн “Бүтээлч Монгол хүн” болгон хөгжүүлж төлөвшүүлнэ. ЭРХЭМ ЗОРИЛГО: Инээмсэглэж угтъя- Хөгжүүлж үдье. СУРГАЛТЫН ХӨТӨЛБӨРИЙН ХЭРЭГЖИЛТ Бид сургалтын хөтөлбөрийн агуулгатай уялдуулан монгол ёс уламжлал, STEAM тоглоомоор хүүхдийг хөгжүүлэх арга зүйг хэрэгжүүлж байна. Сургалтын үйл ажиллагаанаас гадна соробан сампин, шатрын дугуйланг цэцэрлэг дээр хичээллүүлж, бүлгийн багш бүр өөрийн давуу тал дээр тулгуурлан 9 төрлийн дугуйлан хичээллэж байна. Мөн “Аюулгүй амьдрах ухаан”-ы хөтөлбөр, эрүүл мэндийн боловсролын хөтөлбөрийг нэмэлтээр сургалтын хөтөлбөртөө тусган хэрэгжүүлж байна. ГАНЦААРЧИЛСАН СУРГАЛТЫН ХӨТӨЛБӨР Хөгжлийн ялгаатай хэрэгцээтэй (Дауны хам шинж, аутизмийн хүрээний эмгэгтэй) 4 хүүхдэд ганцаарчилсан хөтөлбөр боловсруулан хэрэгжүүлж байна. ДУГУЙЛАНГИЙН ҮЙЛ АЖИЛЛАГАА: Бүжиг Уртын дуу Энгийн хөгжмийн зэмсэг Шатар Соробон сампин Цаасан урлал