БАЯН-ӨЛГИЙ АЙМГИЙН ӨЛГИЙ СУМЫН ЕБ-ЫН 4 ДҮГЭЭР СУРГУУЛИЙН ТАНИЛЦУУЛГА Тус сургууль анх 1987 оны 09-р сарын 01-нд Өлгий хотын 8 жилийн сургууль нэртэйгээр Өлгий хотын 1, 3 дугаар 10 жилийн дунд сургуулиас өрх тусгаарлаж байгуулагдсан юм. Анхны хичээлийн жилд 1437 сурагч элсүүлэн авч 63 багш, 34 захиргаа үйлчилгээний ажилчидтайгаар шинээр ашиглалтанд орсон. 928 хүүхдийн суудалтай 3 давхар хичээлийн байранд хичээллэж эхлэв. Сургуулийн анхны захирлаар Нуркегийн Халел, анхны хичээлийн эрхлэгчээр Х.Ерхуат, С.Түрлен, анхны хүмүүжлийн эрхлэгчээр С.Болат нар томилогдон ажиллав. 1987-1990 он хүртэл 8 жилийн сургуулийн хэв шинжтэй байж, сургуулийн материаллаг баазыг бэхжүүлж 100% кабинетийн системээр хичээллэх боломж бүрдүүлж, сурагчдын тоо 1600 хүрч 77 багш, сурган хүмүүжүүлэгч ажилласан улсын хэмжээний томоохон сургуулийн хэмжээнд хүрсэн нь анхны захирал Н.Халелийн аж ахуйч, зохион байгуулагч чадвартай шууд холбоотой. Тус сургууль нь сургуулийн хамт олны болон тойргийн хөдөлмөрчдийн саналаар аймгийн АДХ-ын ГЗ-ны шийдвэрээр 1990-1991 оны хичээлийн жилээс 10 жилийн бүтэцтэйгээр зохион байгуулагдан “Өлгий хотын 10 жилийн дунд сургууль” нэртэйгаар ажиллах болов. Ийнхүү 1987-1997 оны хооронд 10 жилд сурагчдын тоо, материаллаг бааз сургалт хүмүүжлийн ажлын цар хүрээ, үр дүн аль ч талаараа аймгийн сургуулиудыг хошуучлан ажиллаж ирсэн бөгөөд 1997-1998 оны хичээлийн жилээс боловсролын системийн бүтцийн өөрчлөлттэй холбоотойгоор дахин 8 жилийн хэв шинжээр ажиллах болж Өлгий сумын бага сургуулийг өөртөө нэгтгэж авснаар 1926 сурагч, 70 багш, сурган хүмүүжүүлэгч, 21 үйлчлэх ажилчинтайгаар сургалт хүмүүжлийн үйл ажиллагаа явуулж байсан бол Д/д Хичээлийн жил Нийт сурагчдын тоо Үүнээс бага ангийн сурагчдын тоо Ажилчид 1 2016-2017 оны хичээлийн жил 1249 521 122 2 2017-2018 оны хичээлийн жил 1281 565 120 3 2018-2019 оны хичээлийн жил 1270 571 122 ЭЕШ-ын дүнг үзүүлбэл: Д/д Хичээлийн жил Эзэлсэн байр 1 2015-2016 оны хичээлийн жил 19-р байр 2 2016-2017 оны хичээлийн жил 12-р байр 3 2017-2018 оны хичээлийн жил 8-р байр 2017-2018, 2018-2019 оны хичээлийн жилд улсын төрөлжсөн олимпиадад экологийн болон математик, газар зүйн хичээлүүдээр багш, сурагчид I, II, III байр, бага ангийн (I-V ангийн) сурагчид төрөлжсөн болон нэрэмжит олимпиадад амжилттай оролцож 58 алт, мөнгө, хүрэл медаль хүртсэн амжилт ололттой сургалт явуулж байна. Тус сургууль нь: • 1987-1990 онд 8 жилийн • 1991-1997 онд 10 жилийн • 1997-2001 онд 8 жилийн • 2001-2005 онд 12 жилийн • 2006 оноос бүрэн дунд боловсролын • 2018-2019 оны хичээлийн жилээс Өлгий сумын ерөнхий боловсролын сургуулийн хэв шинжтэй сургалт хүмүүжлийн үйл ажиллагаа явуулж байна. Өлгий сумын ЕБ-ын 4 дүгээр сургуулийн захиргаа