ТОВЧ ТАНИЛЦУУЛГА Тус сургууль анх 1967 онд Өлгий хотын 8 жилийн сургууль нэртэйгээр байгуулагдсан. 1987 оноос бүрэн дунд боловсролын сургууль болж өргөжин үйл ажиллагаа явуулж ирсэн. Гурван давхар, 5 блокоос бүрддэг сургуулийн хичээлийн байр нь 1982 онд ашиглалтанд орсон. Захирал Б.Аяужан. Одоо тус сургуулийн 48 бүлэгт 1470 гаруй сурагч, 91 багш, 39 ажилтантай хичээл сургалтын үйл ажиллагаа явуулж байна. 2011 онд боловсролын сургалтын шинэчилсэн хөтөлбөрийг турших, хэрэгжүүлэх, түгээн дэлгэрүүлэх үндэсний лаборатори 30 сургуулийн нэгээр шалгарч, сургуулийн бүх багш үндэсний сургагч багшаар бэлтгэгдэж, сургуулийн өмнөх,бага,суурь, бүрэн дунд боловсролын сургалтын шинэчилсэн хөтөлбөрийг аймгийн хэмжээнд турших, түгээн дэлгэрүүлэх, хэрэгжүүлэх үйл ажиллагааг амжилттай зохион байгуулж ирлээ. 2019 оноос үндэстний цөөнх иргэдэд хос хэлний боловсрол олгох АХИС (CLIL) аргыг туршин нэвтрүүлж эхэлсэн. 2021 оноос цахим сургууль хөтөлбөрт хамрагдсан.