Аймгийн Засаг дарга БНСУ-ын Кориа их сургуулийн хот төлөвлөлтийн төв болон эрчим хүч, хотын аюулгүй байдал, мэдээллийн систем, хөрөнгийн биржийн салбарын захирлуудыг хүлээн авч уулзлаа. Уулзалтаар Ухаалаг хот төсөл, Эрчим хүчний салбарт хамтран ажиллах, Кориа их сургуульд оюутан элсүүлэх, мөн тус сургуулийн дэргэдэх Анам эмнэлэгт аймгаас эмч, эмнэлгийн мэргэжилтнүүдийг дадлагажуулах боломжийн талаар санал солилцлоо. Цаашид хамтран ажиллах чиглэлээр 2 тал судлаж, дахин уулзалт хийхээр болж өндөрлөлөө.