415 дугаар нээлттэй, хаалттай хорих ангийн Спорт, соёл олон нийт, залуучуудын зөвлөлөөс алба хаагчдын чөлөөт цагийг зөв боловсон өнгөрүүлэх, спортоор хичээллэх нөхцөл боломжийг бүрдүүлэх, хамт олны дунд эерэг уур амьсгал бий болгох зорилгоор "Мөрдөстөн" дөрвөн төрөлт, спортын бага наадмын нээлтийн үйл ажиллагааг /2026. 01.14/ зохион байгууллаа. Тус үйл ажиллагаанд ангийн дарга, хурандаа Ц.Мэндсайхан болон даргын зөвлөлийн гишүүд, Жүдо бөхийн үндэсний шигшээ багийн тамирчин ОУХМ, МУГТ ахмад О.Ууганбаатар, үндэсний бөхийн Монгол Улсын харцага, ахлах ахлагч Т.Сайханжаргал нар оролцлоо. Энэ үеэр ээлжийн дарга, ахлах дэслэгч Н.Төгөлдөр, МУСТА дуучин Т.Ганбүргэд, ХЦДБЧ-ын гоцлол дуучин, МУСТА Б.Батсайхан, Төв аймгийн Баян сумын Ерөнхий боловсролын сургуулийн 9 дүгээр ангийн сурагч Б.Мөнхбат нар тус тус ая дууны мэндчилгээ өргөн барилаа.