Дотоод хэргийн их сургуулийн албан хаагч, ажилтны 2025 оны сахилга, ёс зүйн зөвлөгөөн өчигдөр (2025.12.24) боллоо. Энэ үеэр Их сургуулийн Ёс зүйн дэд хорооны үйл ажиллагааны талаар цагдаагийн хошууч Т.Отгонбаатар, албан хаагч, ажилтнуудын сахилгын зөрчлийн талаар цагдаагийн хурандаа Б.Гантулга нар танилцуулга, мэдээлэл хийв. 

Мөн Төрийн албаны зөвлөлийн гишүүн, Монгол Улсын Ёс зүйн хорооны дарга, доктор (Ph.D) Ц.Амартөгс ёс зүйн чиглэлээр лекц уншлаа. 

Зөвлөгөөний төгсгөлд Дотоод хэргийн их сургуулийн захирал, доктор (Ph.D), профессор, бригадын генерал Т.Сүхболд бие бүрэлдэхүүнд үүрэг, чиглэл өгч, ирэх 2026 оны ажилд нь амжилт хүслээ.