Ангийн 2025-2026 оны сургуулийн жилийн цэргийн сургалт бэлтгэлийн төлөвлөгөөний дагуу Заах арга зүйн цугларалтыг 2025 оны 10 дугаар сарын 31-ний өдрөөс 11 дүгээр сарын 03-ны өдрүүдэд 3 үе шаттайгаар зохион байгуулж явууллаа. Тус үйл ажиллагааг нээж ангийн захирагч хурандаа Ө.Баярбадрах 2025-2026 оны сургуулийн жилийн зорилго, зорилт, үйл ажиллагааны талаар танилцуулж, бие бүрэлдэхүүнийхээ мэдлэг, дадлага, ур чадварыг нэмэгдүүлэхэд чиглэгдсэн сургалт бэлтгэлийг зохион байгуулж ажиллахаа онцолж хэлсэн. 

Заах арга зүйн цугларалтыг "Эрүүл агаар-эрчимтэй алхалт" уриан дор 10 км-ийн маршаар эхлүүлж, бүрэлдэхүүнийг бүрэн хамруулж оролцуулсан. 

Зулзага амралтын баазын ресторанд цугларалтын нээлтийн арга хэмжээг зохион байгуулсан. 

2025 оны 11 дүгээр сарын 01, 02-ны өдрүүдэд бие бүрэлдэхүүнд хүйтний улирлын дурэмт хувцасны хангалтыг олгож, хүйтний улирлын хээрийн болон албаны хувцасны үзлэгийг явуулсан. 2025 оны 11 дүгээр сарын 03-ны өдөр ангийн бие бүрэлдэхүүн ЗХЖШ болон КАБЦК-ын 2025-2026 оны сургуулийн жилийн нээлтийн арга хэмжээнд цахимаар оролцсон.