Сумдын иргэд “Үндэсний энгийн гадаад паспорт”-ыг заавал аймгийн төвд ирж улсын бүртгэлийн хэлтэст захиалдаг байсан бол Сүхбаатар аймгийн Мөнххаан, Түмэнцогт сумдад 2025 оны 10 дугаар сарын 22-ны өдрөөс эхлэн гадаад паспортыг шууд захиалан хуулийн хугацаанд хүлээн авах боломжийг бүрдүүлээд байна. Дээрх сумдад гадаад паспортын үйлчилгээг үзүүлж эхэлснээр иргэдэд төрийн үйлчилгээг чирэгдэлгүй, түргэн шуурхай хүргэх, цаг хугацаа, эдийн засагт эергээр нөлөөлж буй үйлчилгээ болж байна. Цаашид аймгийн хэмжээний бүх сумдад гадаад паспорт захиалах, хүлээн авах үйлчилгээг нэвтрүүлэхээр бэлтгэл ажлыг ханган ажиллаж байна.