Өнөөдөр /2025.12.08/ аймгийн Засаг дарга Л.Төмөрчөдөр дахин төлөвлөлтийн төсөл хэрэгжүүлэх Зуунмод сумын 1 дүгээр баг, Хүнсний үйлдвэрийн байрны хойд хэсгийн 3 орон сууцны оршин суугч иргэдтэй уулзаж төслийн талаар мэдээлэл өгч, санал солилцов. Тухайн байруудад нийт 31 өрх амьдардаг бөгөөд иргэдийн хувьд дахин төлөвлөлтийн төслийг дэмжиж байна. Харин одоо оршин сууж байгаа газрын үнэлгээг зах зээлийн үнэтэй дүйцэхүйц байдлаар хийж өгөх нь чухал гэдгийг хэлж байв. Аймгийн Засаг дарга энэ 7 хоногийн лхагва гарагт оршин суугч иргэд болон гүйцэтгэгч компанийн удирдлагуудтай дахин уулзах юм.