Дорноговь аймгийн Сайхандулаан сумын хүн эмнэлэг нь 1938 оны 7 дугаар сард "Өвсөн гэр " хэмээх худгийн хойд дэнж дээр анх сувилагчийн салбар байгуулагдаж анхны сувилагч Цэрэнжавын Дуламжав 2 шар хайрцаг дүүрэн эм, багаж тэмээнд ачиж ирж, 2гэр барин ажилласнаар энэ нутагт европын боловсон эмнэлэгийн суурь тавигдсан. 2000 оноос Сумын хүн эмнэлэг, Эрүүл мэндийн сайдын 2011 оны 09 дүгээр сарын 28-ны өдрийн 304 тоот тушаалаар сумын эрүүл мэндийн төв болсон. Сумын эмнэлэг нь бүтэц үйл ажиллагааны стандартыг амжилттай биелүүлж 2002,2004,2006,2011,2015,2018,2021 онуудад 100% магадлан итгэмжлэгдэж, тусламж үйлчилгээний чанарыг сайжруулсан. Алсын хараа: Хүн амд ээлтэй эрүүл мэндийн тусламж үйлчилгээ үзүүлснээр аймгийн хэмжээнд тэргүүлэгч байгууллага болох. Эрхэм зорилго: Иргэдэд чанартай, аюулгүй, тэгш, хүртээмжтэй, нотолгоонд суурилсан, эрүүл мэндийн хэрэгцээ шаардлагад нийцсэн эмнэлэгийн анхан шатны болон нийгмийн эрүүл мэндийн тусламж үйлчилгээг үзүүлнэ.