Дорноговь аймгийн Өргөн сумын хүн эмнэлгийн салбар нь 1940 онд Цагаан Өехий хэмээх газар Хомоо Балдан сувилагчтайгаар байгуулагджээ.1956 онд Баянмөнх, Өргөн цэцэрлэг хоёр сумын эмнэлэг нэгдэж одоогийн Өргөн сумын төв дээр анхны бага эмчийн салбар үүссэн байна.1975 оноос Өргөн сумын хүний их эмчийн салбар болон өргөжиж Л.Сампил эрхлэгчтэйгээр найман ажилтантай ажиллаж байжээ.2012 оноос эхлэн Сумын эрүүл мэндийн төв болж өөрчлөгдсөн бөгөөд хөдөөгийн хүн амд эрүүл мэндийн анхан шатны болон нийгмийн эрүүл мэндийн тусламж үйлчилгээг үзүүлж байна. Одоо сумын эрүүл мэндийн төв нь 21 орон тоотойгоор хөдөөгийн 3 баг, төвийн 1 багийн нийт 2133 хүн ам болон 300 гаруй түр оршин суугч иргэнд эмнэлгийн анхан шатны болон нийгмийн эрүүл мэндийн тусламж үйлчилгээг үзүүлж байна. Сумын эрүүл мэндийн төвийг Сумын ИТХ-ын 2017 оны 06 сарын 16-ны өдрийн 3/10 дугаар, Аймгийн ИТХ-ын 2017 оны 11 сарын 08-ны өдрийн 87 дугаар тогтоолоор 2018 оны 02 дугаар сарын 09-ны өдөр Монгол улсын эрүүлийг хамгаалахын гавъяат ажилтан, анагаах ухааны доктор, профессор Галсангийн Дашзэвэгийн нэрэмжит эмнэлэг болсон.