Хөгжил политехник коллеж нь анх 1944 онд Мал эмнэлгийн 2 жилийн сургууль нэртэйгээр байгуулагдсан. Монгол Улсын Засгын Газрын 2010 оны 1 дүгээр сарын 20-ны өдрийн тогтоолоор Ховд аймаг дахь Хөгжил Мэргэжил Сургалт Үйлдвэрлэлийн төв, Хөдөө аж ахуйн Их Сургуулийн Ховд аймаг дахь Алтайн бүсийн салбар сургуулийг нэгтгэснээр Ховд аймаг дахь Хөгжил Политехник Коллеж болон өргөжиж сургалтын үйл ажиллагаагаа явуулж байна. Ховд аймаг дахь Хөгжил политехник коллеж нь нийт 134 багш, ажиллагсад, 1200 гаруй суралцагчтайгаар Хөдөө аж ахуй, Барилга, Уул уурхай, Үйлдвэр, үйлчилгээ гэсэн 3 үндсэн чиглэлийн 33 хөтөлбөрөөр сургалтын үйл ажиллагаа явуулж байна.