Тус цэцэрлэгийг Сайнцагаан сумын 7-р багийн нутаг дэвсгэрт “Чулуутын багш” ХХК-ний боловсруулсан Б-14/2018 шифртэй зураг төслийн дагуу “Монгол дээвэр” ХХК нь барилга угсралтын ажлыг 2018 оны 07-р сараас 2019 оны 06-р сарын 27-ны өдөр хийж гүйцэтгэн ашиглалтанд хүлээлгэн өгч, 08 дугаар сарын 27-ны өдөр үйл ажиллагаагаа эхлүүллээ. Аймгийн Засаг даргын 2019 оны 08-р сарын 27-ны А/300 тоот захирамжаар 2019 оны 09-р сарын 02-ны өдөр Улсын бүртгэлийн гэрчилгээ, 2019 оны 09-р сарын 01-ний өдөр Сургалт эрхлэх тусгай зөвшөөрлийн гэрчилгээ тус тус авч 2019 оны 08-р сарын 27-ны өдөр цэцэрлэгийн эрхлэгчийн Б/01 тоот тушаалаар 20 хүний бүрэлдэхүүнтэй орон тооны багш, ажилчдыг сонгон авч ажилд томиллоо. Тус цэцэрлэг нь 5 дахь хичээлийн жилдээ сургалт хүмүүжлийн үйл ажиллагаагаа зохион байгуулж байна.