Монгол Улсын Засгийн газрын 2012 оны 144 дүгээр тогтоолоор аймаг, нийслэлийн Засаг даргын дэргэд Худалдан авах ажиллагааны алба шинээр үүсгэн байгуулах эрх зүйн үндэс бүрдсэнээр аймгийн Засаг даргын 2013 оны А/33 дугаар захирамжаар аймгийн Худалдан авах ажиллагааны албаны орон тоог Албаны дарга, Худалдан авах ажиллагаа хариуцсан ахлах мэргэжилтэн, Худалдан авах ажиллагаа хариуцсан мэргэжилтэн, нягтлан бодогч гэсэн бүтэц орон тоотой баталсан байна. Монгол Улсын Засгийн газрын 2016 оны 09 дүгээр тогтоол гарснаар Худалдан авах ажиллагааны алба болон Орон нутгийн өмчийн албыг нэгтгэн аймгийн Засаг даргын дэргэдэх Орон нутгийн өмчийн газар болон өргөжсөн байна. Монгол Улсын Засгийн газрын 2023 оны 312 дугаар тогтоолоор аймгийн Засаг даргын тамгын газрын бүтцэд Худалдан авах ажиллагааны газартай байхаар шийдвэрлэсний дагуу аймгийн Засаг даргын 2024 оны А/52 дугаар захирамжаар Газрын дарга, Худалдан авах ажиллагааны ахлах мэргэжилтэн, Худалдан авах ажиллагаа хариуцсан мэргэжилтэн, Дотоод хяналт, шалгалтын мэргэжилтэн, Нягтлан бодогч, Архив, бичиг хэргийн ажилтан гэсэн бүтэц, орон тоотойгоор үйл ажиллагаа явуулж байна.