Замын-Үүд Нэгдсэн эмнэлэг нь анх 1956 онд Улаанбаатар төмөр замын эмнэлгийн 11-р хэсэг болж, Замын-Үүд суманд эрүүл мэндийн байгууллагын эх суурь тавигдаж, ЭМС-ын 2003 оны 114 тоот тушаалаар Замын-Үүдэд сум дундын эмнэлэг, ЭМС-ын 2007 оны 233 тоот тушаалаар Орон нутгийн нэгдсэн эмнэлэг, 2013 оны 01 дүгээр сарын 01-нээс эхлэн төрийн үйлчилгээний эрүүл мэндийн байгууллага болж бие даасан нэгдсэн эмнэлгийн статусаар ажиллаж байна. Замын-Үүд Нэгдсэн эмнэлэг нь 137 эмч, мэргэжилтэн, ажилтантайгаар 96 ортойгоор Замын-Үүд сумын 19231 хүн амд болон явуулын 8000-10000 хүн амд лавлагаа шатлалын тусламж үйлчилгээг үзүүлэн ажилладаг.