Өмнөговь аймаг нь аялал жуулчлалын салбарын хөгжлийг дэмжих бодлогын хүрээнд “Сайханы сарлаг” эвент арга хэмжээг жил бүр уламжлал болгон зохион байгуулсаар ирсэн. 2025 оны “Сайханы сарлаг” арга хэмжээ нь тавдугаар сарын 24-ний өдөр Ханхонгор сумын Мандах багийн нутаг дэвсгэр, “Оюутын хөндийн Үнэгт” хэмээх газарт зохион байгуулагдана. Энэхүү арга хэмжээ нь сарлаг маллагааны өв соёл, орон нутгийн онцлог бүтээгдэхүүн, уламжлалт амьдралын хэв маягийг сурталчлах, орон нутгийн эдийн засаг, аялал жуулчлалыг дэмжих зорилготой юм.