XVII жарны “Сүрээр дарагч” хэмээх Гал морин жилийн Сар шинийн баярыг тохиолдуулан “Дулааны IV цахилгаан станц” ТӨХК-ийн сар шинийн золголт шинийн зургааны билэгт сайн өдөр ёслол төгөлдөр зохион байгуулагдлаа. Сар шинийн золголтын үйл ажиллагаанд компанийн удирдлагууд, инженер техникийн ажилтнууд болон нийт ажилтнууд өргөнөөр оролцов. “ДЦС-4” ТӨХК-ийн Гүйцэтгэх захирлын албан үүргийг түр орлон гүйцэтгэгч П.Болдбаатар сар шинийн мэндчилгээ дэвшүүлэн үг хэлж, хамт олондоо эрүүл энх, аз жаргал, амжилт бүтээлийн дээдийг хүсэн ерөөлөө.