Бүгд Найрамдах Улсаа тунхаглан, анхдугаар Үндсэн хуулиа баталсан түүхэн өдрийг тохиолдуулан улсын хэмжээнд 16 нас хүрч, иргэний үнэмлэхээ гардан авч буй хүүхэд, залууст “Эх оронч сэтгэлгээг төлөвшүүлэн, төр улсаа эрхэмлэн дээдлэх, эх орон ард түмнийхээ өмнө хүлээх үүрэг хариуцлагаа ухамсарлан чин шударгаар амьдрах, түүх соёлоороо бахархах үзлийг төлөвшүүлэх” зорилгоор зохион байгуулдаг иргэний андгай өргөх ёслолыг Аймгийн Засаг даргын Тамгын газар, Говьсүмбэр аймгийн Соёл урлаг, аялал жуулчлал, залуучуудын хөгжлийн газар хамтран зохион байгууллаа. 

 Тус арга хэмжээнд Говьсүмбэр аймгийн 16 нас хүрсэн 30 хүүхэд, залуучуудын төлөөлөл оролцож иргэний үнэмлэхээ гардан авлаа. 

Монгол Улсын Иргэний үнэмлэхээ гардан авсан сурагчдадаа амжилт хүсч, эх орныхоо ирээдүйн хөгжил цэцэглэлтэд өөрийн хувь нэмрээ оруулан, чин шударга, хүнлэг энэрэнгүй , хөдөлмөрч, хичээнгүй иргэн байхыг хүсэн ерөөе.