Арга хэмжээний нээлтэд Жижиг, дунд үйлдвэрийг дэмжих агентлагийн дарга Я. Эрдэнэсайхан, Нью-Йорк дахь Монгол Соёлын Зөвлөлийн үүсгэн байгуулагч А. Санжаажамц нар оролцож, Монголын соёл, өв уламжлалыг дэлхийд таниулахын зэрэгцээ үндэсний үйлдвэрийн бараа бүтээгдэхүүнийг Америкийн зах зээлд гаргахын чухлыг онцолж, 3 өдөр үргэлжлэх арга хэмжээнд оролцогчдод амжилт хүслээ.

Арга хэмжээний үеэр Монгол үндэсний хөгжмийн тоглолт, үндэсний дээл хувцас болон байгальд ээлтэй ноолууран бүтээгдэхүүний загварын шоу зохион байгуулагдаж, манай орны соёлын өвийг арга хэмжээнд оролцогчдод танилцууллаа.

Маргааш “Invest Mongolia” хөрөнгө оруулалтын форумаар арга хэмжээ үргэлжилнэ.