Өнөөдөр /2025.12.05/ Монгол Улсад орчин цагийн архивын алба үүсэж хөгжсөний 98 жил, Орон нутагт архивын салбар байгуулагдсаны 68 жил, “Архивын ажилтны өдөр”-ийг тэмдэглэн өнгөрүүлж эхэлсний 30 жилийн ой тохиож байна. Тэмдэглэлт өдрийг тохиолдуулан архив, албан хэрэг хөтлөлтийн салбарт олон жил үр бүтээлтэй ажиллаж, архивын үйлсэд үнэтэй хувь нэмэр оруулсан нэр бүхий ажилтнуудыг “Архивын ерөнхий газрын жуух бичиг”, “Ховдын хүндэт тэмдэг”, “Ховдын төлөө медаль”, “Аймгийн ИТХ-ын даргын хүндэт өргөмжлөл”, “Аймгийн Засаг даргын жуух бичиг”-ээр шагнан, тэдний хөдөлмөр зүтгэлийг үнэллээ. Шагналыг аймгийн ЗДТГ-ын Архивын хэлтсийн дарга Г.Жавзанхорлоо гардуулж, ажилтнуудад баяр хүргэн, ажлын амжилт хүсэв.