Эрхэм зорилго: Өмнөговь аймаг эдийн засаг, нийгмийг хөгжүүлэх, иргэдийн аж амьдралыг дээшлүүлэхэд нэн тэргүүнд шаардлагатай төсөл хөтөлбөрийг хэрэгжүүлэх, тэдгээрийн удирдлага зохион байгуулалтаар хангахад оршино. Үйл ажиллагааны стратегийн зорилго, зорилт: Үйл ажиллагааны стратегийн зорилго ба Алсын хараа: Хөгжилд хөрөнгө оруулж, төр бизнесийн харилцааг холбон хөгжүүлэх суурь бүтэц нь байх. Үйл ажиллагааны стратегийн зорилтууд: Хөгжил, хөрөнгө оруулалтын газар нь нийгмийг хөгжүүлэх, иргэдийн аж амьдралыг дээшлүүлэхэд нэн тэргүүнд шаардагдаж байгаа өртөг шингэсэн өрсөлдөх чадвартай төсөл хөтөлбөрүүдийн хэрэгцээ шаардлагыг судалж боловсруулан нутгийн үйлдвэрлэгчдийг уул уурхай, аж үйлдвэрийн төслийн өртгийн гинжин сүлжээ, кластерын салшгүй хэсэг болгон уул уурхайн салбар болон бусад орлогоор санхүүжүүлнэ. Өмнөговь аймгийн эдийн засаг, нийгмийг хөгжүүлэх, аж амьдралыг дээшлүүлэхэд нэн тэргүүнд шаардлагатай төсөл хөтөлбөрийг хэрэгжүүлэх, удирдлага зохион байгуулалтаар ханган ажиллана. Иргэдийн нийгмийн харилцаанд шаардлагатай зүйлсийг соргогоор мэдэрч, дэвшилтэт технологи, чанартай үйлчилгээг эрхэмлэсэн тогтвортой хөгжлийн өсөлтийг бий болгох мэдлэг чадварт суурилсан баг хамт олон байна.