Аймгийн байгаль орчны алба нь 2000 онд Монгол улсын Засгийн газрын 181 дүгээр тогтоолоор аймгийн Засаг даргын эрхлэх асуудлын хүрээнд ус цаг уур, орчны шинжилгээний төвтэйгөөр, байгаль орчны мэргэжлийн хяналт, газрын харилцааг зохицуулах үүрэгтэй "Байгаль орчны газар" нэртэйгээр байгуулагдаж, байгаль орчныг хамгаалах, нөхөн сэргээх үйл ажиллагааг мэргэжил технологийн үүднээс зохион байгуулах ажлыг тасралтгүй явуулж, 2003 оноос “Байгаль орчны алба” болсон. 2008 онд Монгол улсын Засгийн газрын 67 дугаар тогтоолоор "Байгаль орчин, аялал жуулчлалын газар" нэртэй орон нутгийн төрийн захиргааны байгууллага болж ажилласан бөгөөд Монгол улсын Засгийн газрын 2015 оны 1 дүгээр сарын 12-ний өдрийн 08 дугаар тогтоолоор "Байгаль орчин, аялал жуулчлалын газар" нэртэй болж, дарга-1, мэргэжилтэн-7, үйлчилгээний ажилтан-6, сумдын байгаль хамгаалаг-25, нийт 39 орон тоотой ажиллаж байгаа бөгөөд аймгийн УЦУОШГазар, сум дундын Ойн анги, Хар-ус нуур орчмын улсын тусгай хамгаалалттай газар нутгийн хамгаалалтын захиргаа, Мөнххайрханы хусын тусгай хамгаалалттай газрын хамгаалалтын захиргаа, Мянган угалзтийн нурууны байгалийн цогцолборт газрын хамгаалалтын захиргаа, Хар нуур-Ховд голын сав газрын захиргаа, Булган-үенч-Бодонч голын сав газрын захиргаа, ойн мэргэжлийн 11 байгууллага, байгаль хамгаалах 17 нөхөрлөлтэй хамтарч, үйл ажиллагааны чиг үүргийг ханган ажиллаж байна. ЭРХЭМ ЗОРИЛГО Аймгийн нутаг дэвсгэрт байгаль орчны хууль тогтоомжийн хэрэгжилтийг хангаж, байгалын баялгийг зохистой ашиглах, нөхөн сэргээх ажлыг зохион байгуулж, иргэдэд экологийн боловсрол олгож, байгаль орчны чиглэлээр мэдээллийн сан бүрдүүлэх бодлогыг хэрэгжүүлэхэд оршино.