Нийтийн номын сан нь Утга, уран зохиол, байгалийн ухаан, анагаах ухаан, түүх, нийгэм судлал, эдийн засаг, улс төр зэрэг төрөл бүрийн шинжлэх ухааны 23525 нэр төрлийн 43304 ширхэг номын үндсэн сан хөмрөгтэйгээс “Үлгэрийн далай”, “Молом тойны зурагт намтар”, “Хөвгүүдэд бэр гуйхад хэлэх үгс” зэрэг 9 төрлийн ховор ном, 250 гаруй уйгаржин монгол бичиг, төвөд хэл дээр бичигдсэн ном хадгалагдаж байна. Хэнтий аймгийн соёл, гэгээрлийн байгууллага болох Монгол Улсын төрийн шагналт яруу найрагч Р.Чойномын нэрэмжит Нийтийн номын сан нь иргэд, уншигчдын оюуны хэрэгцээг хангахуйц орчин үеийн мэдээллийн төв болох зорилт тавин ажиллаж байна.