Бүтэц орон тоог яамны бүтэцэд өөрчлөлт орж Байгаль орчин, уур амьсгалын өөрчлөлтийн яам болон өөрчлөгдсөнтэй холбогдуулан газрын бүтэцэд өөрчлөлт орж аялал жуулчлал аймгийн Соёл, урлаг, аялал жуулчлал, залуучуудын газарт шилжсэн тул аймгийн Засаг даргын 2024 оны 10 сарын 14-ний А/524 тоот захирамжаар бүтэцийг шинэчлэн баталж нийт 82 орон тоотой батлагдсан. Бүтэцдээ сумдын 56 байгаль хамгаалагч босоо удирдлагатайгаар харъяалагддаг. Төвдөө салбар хариуцсан 6 мэргэжилтэн, Дотроо зохион байгуулалтын нэгж болох Ойн алба 5 хүн, Байгаль орчны хяналтын 3 улсын байцаагч, бусад төрийн үйлчилгээний 11 албан хаагч ажиллахаар батлагдсан. Одоогоор төвдөө газрын дарга, салбар хариуцсан 4 мэргэжилтэн, Ойн алба 4 хүн, байгаль орчны хяналтын улсын байцаагч 3 хүн, үйлчилгээний үйлчилгээний 12, жинхэлсэн байгаль хамгаалагч 41, түр байгаль хамгаалагч 6, жирэмсний амралттай 2 байгаль хамгаалагч, байгаль хамгаалагч огт байхгүй нөхөх шаардлагатай 7 байгаль хамгаалагч дутуу нийт 70 орон тоотой ажиллаж байна. Аймагт байгаль орчны салбарын 10 байгууллага үйл ажиллагаа явуулж байна. Үүнд: БОГ, 4 УТХГазрын хамгаалалтын захиргаа, 2 сав газрын захиргаа, 4 сум дундын ойн анги, УЦУОШТөв ажиллаж байна. Сум дундын ойн ангиуд нь 4-5 хүний орон тоотой ажилладаг, ОНӨААТҮГазар юм. Бусад сав газрууд, УТХГ, УЦУОШТөв нь БОУАӨЯамны босоо удирдлагатай яамны төсвөөс санхүүждэг байгууллагууд. Байгаль орчин, аялал жуулчлалын салбар 25 хууль, эдгээр хуулийн хүрээнд гарсан журам, дүрэм, стандарт, аргачлал, заавраас гадна УИХ, Засгийн газрын тогтоол, Сайдын тушаал, албан даалгавар, аймгийн ИТХ, Засаг даргын эрх, үүргийн хүрээнд батлан гаргасан журам гээд 200 орчим захиргааны актыг орон нутагт хэрэгжүүлэх ажлыг хариуцан зохион байгуулж байна. Үүнээс гадна төрийн байгууллагын үйл ажиллагаанд заавал дагаж мөрдөж хэрэгжүүлдэг нийтлэг 20 гаруй хуулийн хүрээнд ажиллаж байна. Хяналт шалгалтын чиглэлээр Мэргэжлийн хяналтын газар татан буугдсантай холбогдуулан 3 байцаагч шилжин ажиллаж байна. ЭРХЭМ ЗОРИЛГО Байгаль орчны бодлого, хууль тогтоомж, байгалийн нөөцийн менежментийг хэрэгжүүлэх үйл ажиллагаа/ байгаль хамгаалах, байгалийн баялагийг зохистой ашиглах, хамгаалах, нөхөн сэргээх, байгаль орчин/-г орон нутгийн хөгжлийн бодлоготой уялдуулах, мэдээллийн сан бүрдүүлэх, байгаль орчны сургалт, судалгаа, сурталчилгааны ажлыг гүйцэтгэх, зохион байгуулах ажлыг мэргэжил арга зүйн удирдлагаар хангахад оршино. ЧИГ ҮҮРЭГ Байгаль орчны хууль тогтоомжийг хэрэгжүүлэх, тухайн нутаг дэвсгэрт байгаль орчныг хамгаалах, байгалийн баялагийг зохистой ашиглах, нөхөн сэргээх, нутгийн иргэдэд түшиглэсэн байгалийн нөөцийн менежментийг хэрэгжүүлэх, олон нийтийн оролцоог хангах, бүлэг, хамтлаг, нөхөрлөлийн чадавхийг бэхжүүлнэ. Аймгийн Засаг даргын эрхлэх асуудлын хүрээнд үйл ажиллагаа явуулж байгаль орчны асуудал эрхэлсэн төрийн захиргааны төв байгууллага болон бусад байгууллагуудтай ажлын уялдааг ханган ажиллана. Аймгийн хэмжээний байгаль хамгаалах ажлыг мэргэжлийн арга зүйн удирдлагаар хангаж, мэдээллийн сан бүрдүүлэх, хэрэглэгчдийг мэдээллээр хангах экологийн боловсролыг дээшлүүлэх сургалт сурталчилгааны ажлыг зохион байгуулна.