Улсын тэргүүний 2-р цэцэрлэг нь 1959 онд аймгийн үйлдвэр хоршооллыг түшиглэн 50 хүүхэдтэй, 2 бүлэгтэй, 7 ажилчинтай, 2 гэр, 1 байшинтай анх байгуулагдаж, 1964 онд 100 хүүхдийн хүчин чадал бүхий барилга ашиглалтанд орж үйл ажиллагаагаа эхэлсэн түүхтэй. 1987 онд аймгийн анхны “Улсын тэргүүний” цэцэрлэг болсон. 2022-2023 оны хичээлийн жилд цэцэрлэгийн барилгыг газар дээр нь буулгаж, улсын төсвийн 2.7 тэрбум төгрөгний хөрөнгө оруулалтаар шинэ цэцэрлэг баригдаж, 2023 оны 12-р сарын 15-ний өдөр ашиглалтад орсоноор бүлгийн тоо, багш ажилчдын орон тоо, СӨН-ы хүүхдийн хамран сургалт, хүртээмж нэмэгдэж, 29 ажиллагсадтай, 6 бүлэгт 2-5 насны 196 хүүхэд суралцаж байна.