Манай Дундговь-Ус ОНӨААТҮГ нь 1942 онд аймгийн Иргэдийн хурлын 79 дүгээр тогтоолоор анх үйлчлэх товчоо нэртэй байгуулагдаж нийтийн аж ахуйн байгууллагын үндэс суурин дээр үйл ажиллагааг нь залгамжилж, Мандалговь хотын хүн ам, албан газар аж ахуй нэгжийг цэвэр усаар хангах, бохир усыг татан зайлуулж цэвэрлэн халдваргүйжүүлэх, нийтийн халуун усны ашиглалт, нам 6 зуухны ашиглалтыг хариуцаж дулаан үйлдвэрлэх, түгээх зэрэг үйлчилгээг холбогдох тусгай зөвшөөрлүүдийн гэрээний дагуу хариуцан ажилладаг 100 хувийн орон нутгийн өмчтэй, аж ахуйн тооцоотой үйлчилгээний байгууллага юм. нийт 192 аж ахуй нэгж байгууллага, 50 төсөвт байгууллага, 2254 айл өрх, 1538 цэвэр усны төвлөрсөн шугамд холбогдсон, 100 хувь тоолууржсан болно. Манай байгууллага нийт 84 ажилчид албан хаагчид 5 албадын бүрэлдэхүүнтэй үйл ажиллагаагаа явуулж байна. Мандалговь хотын цэвэр усан хангамж эх үүсвэр нь Сайнцагаан сумын төвд байрлах эх үүсвэрийн 3 худаг, төвөөс 32 км–т байрлалтай гүний 3 худаг завсрын өргөлтийн 2 насос станцын тусламжтайгаар аймгийн төвийн хэрэглэгчдийг унд ахуйн усаар хангаж байна. Ус хангамжийн 2-р эх үүсвэр нь аймгийн төвд байрлалтай гүний 6001.6002, 6003 , 5022 4 худагтай, 17 ухаалаг ус түгээх худагтай. Тус ус түгээх худгаар 2254 айл өрх зөөврөөр унд ахуйн усаар хангагдаж байна.