Дундговь аймгийн хөгжлийн бэрхшээлтэй хүний хөгжих төв Хөгжлийн бэрхшээлтэй хүний хөгжлийн төв нь Монгол Улсын Засгийн газрын 2021 оны 06 дугаар сарын 16-ны өдрийн 164 дүгээр тогтоол, Хөдөлмөр нийгмийн хамгааллын сайдын “Сэргээн засалт, сургалт, үйлдвэрлэлийн төвийн бүтэц, орон тоо, дүрмийг шинэчлэн батлах тухай” 2022 оны А/159 дүгээр тушаал, Монгол улсын Засгийн газрын 2024 оны 02 сарын 18-ны өдрийн 75 дугаар тогтоолоор байгуулагдан ажиллаж байна. Дундговь аймгийн Хөгжлийн бэрхшээлтэй хүний хөгжих төв нь 2023 оны 09-р сарын 11-ний өдөр Говийн бүсийн хөгжлийн төв болж байгуулагдсан.Хөгжлийн бэрхшээлтэй хүний хөгжлийн төв нь хөгжлийн бэрхшээлтэй хүүхэд болон насанд хүрэгчдийн эрт үеийн идвэхтэй дэмжлэг, оролцоог нэмэгдүүлэхэд чиглэсэн хувь хүний онцлог, амьдралын хэв маягт тохирсон туслах бүтээгдэхүүнээр хангах, бие даан амьдрах чадварт сургаж, гэр бүлд нь дэмжлэг үзүүлэх, эрүүл мэндийн боловсрол олгох зэрэг нийгмийн сэргээн засах тусламж үйлчилгээгээр дамжуулан хөгжлийн бэрхшээлтэй хүн нийгэмд бусдын адил үр бүтээлтэй амьдрахад дэмжлэг үзүүлдэг, төсвийн хөрөнгөөр санхүүждэг төрийн үйлчилгээний байгууллага буюу Сэргээн засалт, сургалт үйлдвэрлэлийн төвийн харъяа байгууллага юм.