“ТЭНГЭРИЙН ТЭМДЭГ” ХҮҮХДИЙН ТЕАТРЫН ТАНИЛЦУУЛГА “Тэнгэрийн тэмдэг ” хүүхдийн театр нь 2009 онд үүсгэн байгуулагдаад 2014 оноос эхлэн МУГЖ Зууны манлай алдарт уртын дуучин Жигзавын Дорждагвын нэрэмжит “Тэнгэрийн тэмдэг” хүүхдийн театр гэсэн нэртэйгээр мэргэжлийн 5 багш, жүжигчин, нягтлан, маркетингийн менежер, нярав-үйлчлэгч, бичиг хэрэг гэсэн 16 хүний бүрэлдхүүнтэйгээр үйл ажиллагаагаа явуулж уртын дуу, морин хуур, үндэсний хөгжим, язгуур урлаг, драм, монгол ардын бүжиг, уран зураг, хөтлөгч, эстрад дуу зэрэг 5 дугуйлан 18 төрлөөр хичээллэж 1 жилд 350 гаруй сурагчдыг урлагийн боловсрол олгох сургалтад хамруулж байн. Уртын дууны багшаар МУГЖ Ж.Дунжмаа, Найруулагчаар МУСТА Ч.Сансармаа, Монгол ардын бүжгийн багшаар МУСТА Б.Мөнхцогзол, Үндэсний хөгжмийн багшаар Б.Орхонтуяа, Драмын багшаар МУСТА А.Дэлгэрмаа, зураач О.Энх-ундрах зэрэг мэргэжлийн болон мэргэшсэн чадварлаг залуу багш нар хүүхэд багачуудад урлагийн боловсрол олгохоор ажиллаж байна.