Дундговь аймгийн Газрын харилцаа, барилга, хот байгуулалтын газар нь Монгол Улсын Үндсэн хууль, Газрын тухай хууль, Монгол Улсын иргэнд газар өмчлүүлэх тухай хууль, Төрийн албаны тухай хууль, Барилгын тухай хууль, Хот байгуулалтын тухай хууль, Хөдөлмөрийн тухай хууль болон холбогдох бусад хууль тогтоомжийг хэрэгжүүлэх ажлыг орон нутагт удирдан зохион байгуулж, энэ чиглэлээр төрөөс баримтлах бодлого, чиглэлийг хэрэгжүүлэх үндсэн чиг үүрэгтэй. Байгууллагын үйл ажиллагаа нь газрыг геодези, зураг зүйд үндэслэн иргэн, хуулийн этгээдэд эрх зүйн баталгаатайгаар эзэмшүүлэх, ашиглуулах гагцхүү Монгол Улсын иргэнд өмчлүүлэх, улмаар газрыг эдийн засгийн эргэлтэд оруулах, барилга, хот байгуулалтын талаар төрөөс баримталж буй бодлогыг орон нутагт хэрэгжүүлж, хот төлөвлөлтийг боловсронгуй болгох, хөрөнгө оруулалтын үр ашгийг нэмэгдүүлэх, хүн амын ая тухтай орчинд ажиллаж амьдрах нөхцлийг сайжруулж, хууль тогтоомжийн хэрэгжилтэд тавих хяналтын үр нөлөөг сайжруулахад чиглэгдэнэ.