БНСУ болон Монгол улсын засгийн газар хоорондын хэлэлцээрийн хүрээнд 8,000,000 ам.доллар (280 тэрбум төгрөг)-ын хөрөнгө оруулалтаар Улаанбаатар хот 21 аймагт ‘’агаарын чанарын автомат станц суурилуулах төсөл’’ хэрэгжүүлж байна. Энэ ажлын хүрээнд Зуунмод хотод агаарын чанарын автомат станцыг энэ сарын 18-21 ний өдрүүдэд солонгос улсаас төсөл хариуцсан мэргэжилтнүүд ирж 600 сая орчим төгрөгийн үнэтэй тоног төхөөрөмж бүхий автомат станцыг суурилуулж дуусаж нээлтийн үйл ажиллагаа болоо. ️

Уг автомат станцыг суурилуулснаар Зуунмод сумын агаарын бохирдлыг хүхэрлэг хий, азотын давхар исэл, PM 2.5 тоосонцрын агууламжийг хэмжих юм. ️

Өнгөрсөн хугацаанд Зуунмод сумын агаарын бохирдлыг 8:00, 14:00, 20:00 цагуудад механик аргаар 20 минутын хугацаанд агаарын чанарыг дээрх үзүүлэлтүүдээр хэмждэг байсан бол уг багаж суурилагдсанаар тасралтгүй 24-н цагийн хэмжилтээр агаарын чанарыг хянах боломжтой болж байгаа юм.