Манай аймгаас ардын язгуур урлагийн төрөлд ерөөл магтаал, халх аман аялгуу, уртын дуу, икел, морин хуур, эвэр бүрээ, товшуур, хөөмий, аман хуур, буган ятга, цуур, баяд, торгууд, хотон бий биелгээ, далт шагайт торгууд бий биелгээ зэрэг 15 төрлөөр, гар урлалын үзэсгэлэнд эсгий түлмэл урлал, уламжлалт нум сум урлал, морины тоноглол урлал, ширмэл ширдэг, эсгий урлал, монгол уламжлалт арьс, ширэн эдлэл, бөөгийн хувцас хэрэглэл зэрэг 8 төрлөөр үзэсгэлэн дэлгэж байна. Хүндэтгэлийн өргөөнд орон нутгийн онцлог идээ, ундаагаар зочдод үйлчлэхээс гадна халтар арвай боловсруулах болон угийн бичиг хөтлөх арга зүйн тухай соёлын боловсролын хөтөлбөрийг тус тус түгээн сурталчилж байна.